1. බුද්ද™ - මේ මගේ ගෝලයන්වත් මාවත් අඳුන්වන නම. හැබැයි බුද්ධ කියන්නේ බුදු හාමුදුරුවන්ට. ඒක මටයි මගේ ගෝලයින්ටයි අවලංගුයි.
2. දර්ම™ - දර්ම තමයි මගේ බණ, පටලවා ගන්න එපා ධර්ම කියන්නේ බුදු හාමුදුරුවන්ගේ බණවලටයි.
3. සත් දර්මය™ - මගේ දර්මය™ අහනකොට ඉන්ද්‍රිය හයක් ඉස්සරහට දාගන්නේ නැතුවයි අහන්න ඕන. මල්ලිල මගෙන් අහන්න එපා කනක් නැතුව කියන දේ අහන්නෙ කොහොමද කියලා. ඔය වගේ සාතන්™ ප්‍රශ්න එන්නේ ඔයාලා අප්‍රබාස්වර™ හින්දයි, මම පරබාස්වර™ හින්දා මේක අහන්න, ඉන්ද්‍රිය ඉන්නේ මංමුලාවක, හාමතේ අතරමං වෙලා. ඒක නිසා ඉන්ද්‍රිය හයක් නැතුව හත් වෙනි ඉන්ද්‍රියකින් අහන්න ඕනෙ හින්දයි මේ සත් දර්මය™ කියන වෙළඳ නාමය මම දැම්මේ. හැබැයි නංගිලා මගෙන් ඇහුවෙත් හත්වෙනි එක මොකක්ද කියලා බලාගෙනයි ! (කාටවත් කියන්න එපා නංගිලා ඒක මම දන්නෙත් නැහැ )
මගෙ සත් දර්මයයි™, බුදු හාමුදුරුවන්ගෙ සද්ධර්මයයි වෙනස්, හුඟක් වෙනස් කෙටියෙන් කිව්වොත් පරස්පරයි. බුදු හාමුදුරුවන්ට සද්ධර්මය කිව්වේ ඒක සත්පුරුෂයන්ගේ ධර්මය නිසාලු (පටලව ගන්න එපා දර්මය™ නෙමෙයි ) මගේ දර්මයේදී™ සත්පුරුෂ, අසත්පුරුෂ කතා නැහැ. සත්වයෙක් පුද්ගලයෙක් ලොවෙත් නැහැ, ලොවි ගහෙත් නැහැ. ඒ ඔක්කොම මිත්‍යාමත.
4. සත්‍ය කියලා දෙයක් ලොවෙත් නෑ ලොවි ගහෙත් නෑ - ඔය ගොල්ලන්ට බුද්ද™ ප්‍රඥා නෑ නේ, ඒනිසා මේක අහන්න. ඉන්ද්‍රිය ඉන්නේ අතරමං වෙලා, හාමතේ. ඒ නිසා ඉන්ද්‍රිය වලින් එළියට සත්‍ය එන්නේ නෑ. ඒනිසා සත්‍ය ඇඳයට, මේසෙ උඩ විශේෂයෙන්ම වචන ඇතුලේ බලලා වැඩක් නැහැ.
5. විශ්වයම අකාලිකයි™ - නීල් ආම්ස්ට්‍රෝන් හඳට ගියවෙලෙයි මට මේක හිතුනේ, විශ්වයට කාලයක් තියෙන්න බැහැ. නැත්නම් නීල් මල්ලී හඳට ගිහින් හඳේ වෙලාවට කෑම කන්න, ටොයිලට් යන්න නිදිය ගන්න එපායැ. ඒ උනාට එයා අපේ පොළොවෙ වෙලාවට තමයි මේ ඔක්කොම කලේ. ඔරලෝසුව පොලොවෙන් එළියට අවලංගුයි. ආ අමතක උනා ඔරලෝසුව
කියලා දෙයක් නැහැ.
6. ශූන්‍යය™ - ශූන්‍යය™ තියෙන්නේ අභ්‍යාවකාශයෙ. ඒකනෙ නීල් ආම්ස්ට්‍රෝන් ( මම මෙයාට දුන්නු වෙළඳ නාමය තමයි මාතංග™, මාතංග™ කියන්නේ අත් හයියයි (ආම්ස් ස්ට්‍රෝන්) කියන එකයි ) උඩට ගිය වෙලේ ඔක්සිජන් ටැංකි ගෙනිච්ච්චේ. මොකෝ ශූන්‍යය™ කියන්නේ මොකුත් නෑ කියන එකනේ, මොකුත් නැත්නම් හුස්ම ගන්න බෑනෙ මල්ලිලා. එතකොට මේ පරබාස්වර™ කතාව අහන්න. සාමාන්‍යයෙන් නීරොගී කෙනෙකුගේ හෘද ස්පන්ධනය මිනිත්තුවකට 60 -75 අතරෙයි තියෙන්නේ. උඩුගුවනෙදි කාලයක් කියලා දෙයක් නෑනේ. කලින් ලියපු පරබාස්වර™ කතාව ආයෙත් බලන්නකෝ. එතකොට හෘදස්පන්ධයයක් මනින්න බැරි වෙනවා. හෘදස්පන්ධනය තමයි මිනිසෙකුගේ වැදගත්ම දේ. එතකොට ඒක නොවැදගත් වෙනවා. ඒ කියන්නේ ශූන්‍යය™ වෙනවා. ඔය ගොල්ලොත් මේක අත්දකින්න 'ආසයි මම පියාඹන්න චිත්‍රපටිය' බලන්න!
